Agaasimaha Waaxda Dhulka ee Wasaarada Hawlaha Guud oo Mar kale ka hadlay War ku soo baxay Wargayska Hubaal

Hargaysa 17.March (SDN  Agaasimaha Waaxda dhulka iyo Gur-yaha ee wasaarada hawlaha Guud Inj,Maxamud Maal Cali , oo uu weheliyo isuduwaha Gobolka ee wasaarada hawlaha Guud, ayaa  been aan waxba ka jirin ku tilmaamay war ku soo baxay maalintii khamiistii wargeyska HUBAAL ee ka soo baxa hargeysa ,kaasi oo sheegaya inay wasaarada hawlaha Guud  Iibisay Gurigii Hoyga ee  kal-kaaliyayaasha Caafimaad ahaan jiray.

Agaasimaha waaxda dhulka iyo Gur-yaha Enj, Maxamuud Maal oo halkaa ka hadlay, ayaa  waxa uu sheegay ,inay wasaarada hawlaha Guud  u diiwaan gashan yihiin  wixii guryo ay dawladu leedahay oo ay iyadu mas’uul uga tahay Qaranka,waxaanuu  intaa ku daray in dhamaan guryaha dawladda ee dhammaan dalka  ee u diiwaan gashay wasaaradda ay dhan yihiin kun saddex boqol iyo shan  guri,isla markaasina loogu tala galay guryaha dawladda inay manaafacaad-sadaan shaqaalaha dawladda, balse intii  dalka  dib loogu soo noqday ay iska degeen shakh-siyaad gaar ah, sidaas darteedna ay wasaaradu dadkaasi ku jira guryaha ay kiro ka qaado.

Agaasimaha oo ka hadlayey Guriga  la sheegay inay wasaaradu Iibisay waxa uu sheegay, inuu gurigaasi ku jiro qof muwaadin ah ,lana mariyey sifihii sharciga ahaa ee wasaarada,lagana qaado kiro,. Sida guryaha kale  ee dawladda.waxaanuu intaa ku daray in  qofka ku jira iyo wasaaradu ay kala saxeex-deen heshiis dhigaya, inaanu kirayn Karin, Iibin Karin, sife kalena u isticmaali Karin gurigaasi.Enj,Maxamnuud oo la hadlayey  war-baahinta maxaliga ah  waxa uu  u soo jeediyey inay haboon tahay in  marka  ay War cid  khuseeya  qorayaan ay marka hore  la soo xidhiidhaan  cidda warkaasi khuseeyo, si aanay u dhicin  inay wax leex-daan oo ay  wax khaldan oo aan dhab ahayn inay qoraan fogaadaan

Hargaysa SDN.

qurbejoog@gmail.com