Agaasimaha Guud ee Wasaarada Duulista iyo Hawada Somaliland oo ka Waramay Mashaariicda Madaarada dalka Gaar ahaan ka Caasimada

Hargaysa 17.Dec 2013 (SDN)- Agaasimaha guud ee wasaarada duulista  hawada iyo gaadiidka cirka  jsl Md Cumer Cabdilaahi Aaden ayaa  ka war bixiyay qorshihii waxqabad  ee sanadka sii dhamaanaya  ee 2013 ee wasaaradaasi.

Agaasimaha guud  isagoo  ka waramaya madaarka casimada hargaysa ee Egal International Airport  waxa  uu tilmaamay in  la dhisay  1959 kii kaas  oo aan helin wax dayac tir ah  ilaa xiligaa  waxaanu intaa ku daray agaasimuhu in maanta uu marayo meel ilaahay loogu shukriyo ka dib markii xukuumada talada haysaa ay ku dadaashay sidii ay u horumarin lahayd madaarka  kaas oo ay soo fadhiistaan  xiligan diyaarado waaweyn  oo casri ah.

Agaasimaha guud waxa uu sheegay in amaanka madaarka ay si weyn u hagaajiyeen isalmarkaa ay ku sooo wareejiyeen xayndaab  deyr silig ah  kaasoo aanay suuro gal ahayn in xaywaanka iyo cid kale si sahal ay ugu soo gudubto.

Agaasimaha guud mar uu ka hadlaayay  dayactirka iyo horumarinta lagu sameeyay madaarka caalamiga ah ee berbera waxa uu sheegay  in loo dhisay terminal balaadhan oo casri ah  waxaanu tilmaamay in kharashka ku baxay teerminaalkaasi uu dhamaa  toban milyan oo doolar oo ay somalialnd  ugu deeqday dawlada Kuwait  waxaanu intaa ku daray in wasaarada loo dhisi doono dhisme casri ah oo ka koobnaan doona sdex dabaq.

Waxaanu gabagabdii  ka waramay in qalabayn ay  ku sameeyeen xafiisyada kala duwan  ee wasaarada , tababaro ay u sameeyeen shaqaalaha wasaarada  sidoo kalana ay ay dalka keeneen gaadiidka dab damiska , waxaanu intaa raaciyay in madaarka burco ay ku wareejiyeen silig ka ilaaliaya waxa soo galaya sida dadka iyo xoolaha kaas oo ay iska kaashadeen wasaarada iyo qurbo jooga gobolka togeer ee dibadaha , waxaanu sheegay in sanadka  cusub ay meelo badan oo dalka ah  wax ka qabanayaan gaar ahaan horumarinta madaarada dalka.

Hargaysa SDN.

Qurbejoog.com