Afar Qof Oo Ku Geeriyooday Diyaarad Qaad u Sidday Muqdisho Oo Nairobi Ku Burburtay
Nairobi:July,02,2014(SDN/QJ)-Sida ay sheegayaan wararka saaka laga helayo magaalada Nairobi ee Xarunta Dalka Kenya, waxa Halkaas ku dhacday Diyaarad ka soo duushay Garoonka Jomo Keyata kuna jeedday Magaalada Muqdisho.
Diyaaraddan oo aan wali nooceeda iyo meesha laga lahaa si sax ah loo sheegin, ayaa la sheegayaa Inay ku dul dhacday Dhismayaal ku yaalla Xaafadda Impagazi ee Magaalada Nairobi.
Diyaaradaasi dhacday ayaa la sheegayaa inay qaad usoo waday Dalka Somalia gaar ahaan Magaalada Muqdisho, hase yeeshee intii aanay soo gaadhin ayey soo dhacday sida ay baahiyeen Warbaahinta Dalkaasi.
Warbixinta Diyaaradaasi ayaa waxaa lagu daabacay Wargeyska Nation oo xiganaya taliyaha booliiska Nairobi ayaa sheegay in diyaarada ay hertisay ama jiidhay guri dheer oo ku yaala Nairobi xili ay ka kacday garoonka caalamiga ee Joma Kenyatta.
Sidoo kale, Wargeyska warbixintiisa waxa uu intaa uga daray in inta la ogyahay ay geeriyoodeen ilaa afar qof oo shaqaalihi diyaarada ah.
Ma jirto faah-faahin dheeri ah oo la xidhiidha soo dhicida Diyaaradaasi, waxaana la sheegayaa in dib laga soo sheegi doono khasaaraha oo dhamaystiran.
SDN/QJ