Ac Milan oo Gabalkeedii Sii dhacayo Markii ay 1-1 Kula Kuftey Genoa Iyo Taageerayaashooda oo ku Mudaharaadey(daawo) By Jaahuur

Italy-San Siro Stadium-Nov-25-2013-(SDN)-Akhristiyaal Barnaamijkeena ciyaaraha waxaynu ku wajahaynaa naadiga facaweyn ee Ac Milan oo horyaalka Talyaaniga kaalinta 13-aad kaga jirta maxaa si ka ah? Todobaadkii hore waxaynu barnaamijkeenii ciyaaraha ku soo qaadaney isqab-qabsiga badan ee faraha lagaga gubtey kana dhexeeyey madaxda sare ee naadiga Ac Milan hormodkuna ka ahayd gabadha uu dhaley malkiilaha naadiga Berlusconi.

Barbara Berlusconi ayaa aabaheed u weydiisatey iney la wareegto maamulka naadiga iskuna shaandheyso qaarna ka xayuubiso shaqada. Haddaba qalbijabka Ac Milan cirka u sii laaley waxay tahay markii naadiga Genoa ku soo booqatey San Siro Stadum dhexmarteynaa ciyaar ka tirsaneyd horyaalka,Barbarana horey u tidhi haddii aanu badin weyno tababare Massimilano daaqadduu ka bixi doonaa.

Ciyaartan dhexmartey Ac Mial iyo Genoa ayaa 1-1 ku dhamaatey kana cadheysiisey taageerayaashii Ac Milan soona buuxiyey garoonka mudaaharaadna kala hortegey ciyaaartooyda iyo maamulkaba qolalkana ku jirey ilaa intii uu boliisku kala kaxaynayeen taageerayaasha. Ac Milan ayaa 18-ban dhibcood ka dambeysa Roma oo hogaanka horyaalka Talyaanigaa u haysa. W/qorey Jaahuur SDN jjaahuur@Hotmail.com