Al Shabaab oo laba Ruux Dil Toogasho ah ku Fuliyay

Baraawe June 09,2013(SDN)-Kooxda Al Shabaab ee gacanta ku heysa magaalada Baraawe ayaa lagu soo waramayaa in ay dil toogasho ah ku dileen laba ruux oo ay ku eedeeyeen basaasnimo.

Xaakim Shabaabka ka tirsan oo goobta toogashada lagu fuliyay joogay ayaa dad halkaa ku soo xoomay u sheegay in ragaasi qirteen in ay u basaasayeen Dawlada Soomaaliya iyo ciidamad aAMISOM.

Sida ay saxaafada u sheegeen dad goob joog ahaa waxa ragan lagu toogtay bartamaha magaalada Baraawe xili shacabkana la faray in ay daawadaan dilkaasi.

Maxkamadaha Shabaabka ayaa inta badan rida goaamo ciqaabeed iyo qaar dil oo lagu fuliyo shakhsiyaad lagu eedeeyo denbiyo u badan basaasnimo.

Inta badana waxaan loo ogolaan eedeysaneyaasha in ay helaan qareeno difaaca ama in ay ka hadlaan denbiyada lagu soo oogo.

Baraawe ayaa ka mid ah degaanada koonfurta Soomaaliya ku yaal ee weli ku jira gacanka Al Shabaab.

SDN-Baraawe

contact@somalidiasporanews.com