Al Shabaab: Xirnaanshiyaha Wadooyinka Muqdisho Nagama Joojinayaan In aan qaraxyo Funino

Muqdisho May 13 2013 (SDN)— Cali Maxamuud Raage Cali Dheere, Afhayeenka Kooxda Shabaab oo warbaahinta la hadlay ayaa sheegay in xiritaanka wadooyin Magaalada Muqdisho aysan hakin doonin weerarada kooxdooda ay ka fulinayaan Mudisho.

Cali Dheere ayaa tilmaamay in wadooyinka la xiray aysan wax udhimeyn ciidanka Shabaabna meel waliba oo Muqdisho ka tirsan oo u qorsheysan ay tagayaan sida uu hadlka u dhigay.

Afhayeenka Shabaab ayaa xusay in dowladda ay dhibeyso shacabka Soomaaliyeed balse aysan dhibeyn Al Shabaab, waxaana uu qiray in xirnaanshiyaha wadooyinka Muqdisho ay dhibaato ku tahay shacbiga dhibaateysan ee Soomaaliyeed.

Waxa uu ugu baaqay Shacbiga Muqdisho in ay la dagaalaan sida uu hadalka u dhigay dowladda Soomaaliya oo uu tilmaamay in ay dhibaato ku heyso nolashooda iyo nabadooda.

Ciidamada Dowladda ayaa xiray wadooyinka Magaalada Muqdisho iyadoo gaadiidka dadweynaha wadooyinka qaar loo diiday inay maraan.

SDN-Muqdisho