David Cameron: Kulamada Xasan Sheekh iyo qurbajoogta waa mid wanaagsan

David Cameron Ra’iisul wasaaraha dalka UK ayaa wareysi uu siiyay wakaalada wararka ee AP waxa uu ku soo dhaweeyay kulamada hogaamiyaha Soomaaliya Xasan Sheekh uu dalkaasi kula yeelanayo qurbajoogta Soomaaliyeed.

Ra’iisul wasaaraha UK ayaa tilmaamay in da’aalka uu wado Xasan Sheekh Maxamuud uu yahay mid wanaagsan oo uu ku doonayo in uu ku xaliyo dhibaatada ka taagan dalka coolaaduhu ay muddo dheer Ragaadiyeen.

Mr. Cameron waxa uu carabka ku adkeeyay in Soomaaliya ay ku socoto wadadii sibadalka islamarkaana dhaqaalihii loogu Aruuriyay Shirkii London uu wax badan ka badali doono Arrimaha dalka ka jira.

Madaxweynaha Soomaaliya iyo wafdi uu hogaaminayo ayaa waxa ay booqasho ku joogaan dalka Ingiriiska iyagoo kulamo kala duwan la qaatay dibadjoogta Soomaaliyeed ee dalkaasi ku dhaqan.

SDN-London