Madaafiic Lagu Weerary Garoonka Diyaaradaha ee Magaalada Galkacayo

Galkacayo April 22 2013 (SDN)— Wararka ka imaanaya Magaalada Gaalkacyo ee Gobalka Mudug ayaa sheegaya in halkaasi ay ka socoto duqey madaafiic ah oo ay is weydaarsanayaan maleeshiyaad hubaysan iyo ciidan ku sugan garoonka Magaalada Gaalkacyo.

Sida ay sheegayaan wararka duqeyntaan ayaa waxa ay ku socotaa Garoonka Magaalada Gaalkacyo ee Gobalka Mudug halkaasi oo shalay lagu dilay Sarkaal ka tirsan ciidamada Maamulka Galmudug.

Xiriiro kala duwan oo aan la sameeyay Magaalada Gaalkacyo ayaa sheegaya in duqeynta ay hada ku socoto Garoonnka aanan la ogaan karin khasaaraha dhabta ah ee ka dhashay madaafiicdaasi.

Madaafiic jawaab u ah kuwa ku dhacaya Garoonka Magaalada ayaa lasoo sheegaya inay ridayaan ciidanka maamula Garoonka Magaalada Gaalkacyo kuwaasi oo uridaya dhanka ay ka soo dhacayaan Madaafiicda.

Wixii faah-faahin kusoo kordha lasoco