Salaadiin Madaxweyne Siilaanyo ku taageeray Go’aankii uu ku Qaadacay ka qayb galka Shirka London ee Arrimaha Somalia

Hargaysa 18.March (SDN)  Salaadiinta  Beelaha laga tirada badan yahay,ayaa shir jaraa’id oo ay maanta ku qabteen Huteel Xaraf ee magaalada Hargeysa  Ku taageeray go’aankii Madaxweynaha Jamhuuriyadda somaaliland Mud, Axmed Maxamed Maxamuud Siilaanyo ee Qaadacaada  shirka soomaalida ee  London.

Suldaan Daakir Xasan Khaliif oo ugu horayn shirka jaraa’id Ka hadlay ayaa    sheegay In ay si buuxda u taageersan yihiin  go’aankii Madaxweynaha Jamhuuriyadda Somaaliland Mud, Axmed Maxamed Maxamuud Siilaanyo  ee ku wajahnaa Inaanay Somaliland ka qayb-gelaynin shirka  London lagu qabanayo Bisha May  ee soo socota.Waxaanuu suldaanku  ku amaanay  go’aankaasi oo uu ku tilmaamay mid  geesinimo leh  oo uu gaadhay.

Saldaan Maxamed Muuse Nuur ayaa isna sheegay, in  Somaaliland  uu ilaahay ku manaystay Nabadgelyo tii ugu wanaagsanayn, taasi oo  uu sheegey in ay ku timid  wada jirka  iyo iskaashiga  Shacabka iyo Xukuumadda.

Dhanka kale Waxa   ay salaadiintu  baaq u jeediyeen dadka walaalaha ah ee degan Gobolada  Awdal iyo  Selel  oo ay u  Jeediyeen inay  khilaafka ku  wajahan Saylac ku dhameeyaan walaaltinimo, wada hadal iyo is-af-garad, ilaahayna ay uga rajaynayaan inuu is-fahsiiyo.

 

Hargaysa SDN.

qurbejoog@gmail.com