Fc Barcelona oo 4-0 Ku Hurguftey Ac Milan (UEFA) By Jaahuur.
Camp Nou-Barcelona-Mar-12-2013-qurbejoognews.com-Akhyaartay faqidaadeena ciyaaraha waxaynu ula kacaynaa xagaa iyo Spain oo ay galabta ku kulmeen Barcelona iyo Ac Milan ciyaartan oo ka tirsaney koobka Yurub (UEFA).
Ciyaartan oo runtii aad iyo aad loo wada sugaayey ayaa garoonka Kamp Nou Stadium waxaa ku soo xoomey dadweyne aan la soo koobi kareyn 80,000-kun kor u dhaafey iyo dabcan tageerayaasha waraabowga qaba ee labada dhinac.
Hadaba ciyaartan oo ku bilaabantey si xiisa badan ayaan jirin wax la isu reebtey,daqiiqaddii 5-aad ayaa goolkii soo dhaweynta waxaa barcelona u saxeexay Messi,kii miyirsigana waxaa u raaciyey isla Messi daqiiqaddii 39-aad ee qeybtii hore ee ciyaarta.
Qeybtii dambe ee ciyaarta ayaa barcelona xukumaadii garoonka halkii ka sii wadatey %66 oo runtiina u diidey Ac Milan iney hesho kubado ay ku weerar tagto.
Ciyaartan oo runtii iskugu duba dhacdey Fc Barcelona ayaa daqiiqaddii 55-aad waxaa gool inaba aan caadi ahayn geeskaa shabaqa ku hubsadey Villa kii macasalameyska ee qalbi jabkana waxaa u raaciyey daqiiqadii 9o-aad Alba.
Hadaba Ac Milan oo lugtii hore ku soo badisey 2-0 ayaa waxay u baahneyd oo kaliya badis ama bar-bardhac oo kaliya laakiin wey difaacan weydey,halkaana Barcelona ayaa u soo baxdey Quarter Finalka.
W/ Qorey Jaahuur
qurbejoognews.com