AMISOM oo si arxan dara ah Sarkaal ka tirsanaa Ciidamada Xooga dalka ugu dishay G/Sh/hoose

Afgooye Feb 21 2013 (SDN)– Ciidamada Midowga Afrika ee Amisom ayaa waxa ay dileen Sarkaal ka tirsanaa ciidamada Xooga dalka Soomaaliyeed, kaasi oo ku sugnaa Gobalka Shabeelaha hoose.

Dilka sarkaalkan ayaa wuxu ka dambeeyay kadib markii mid kamid ah gaadiidka Amisom uu dulmaray sarkaalka xilli uu ku sugnaa Degmada Afgooye ee Gobalka Shabeelaha hoose.

Hilowle Ciise Hagareey, oo ka mid ah saraakiisha ciidamada dowlada ee ku sugan Shabeelaha hoose ayaa usheegay Raadiyaha Dowladda in dilkaan uu dhacay xalay maqribkii kadib markiisarkaalka isaga oo lugeynaya uu dulmaray gaari kamid ahaa kuwa AMISOM.

sarkaalka dhaawac ahaan loola soo cararay isbitaalka Madiina ee Magaalada Muqdisho halkaasi oo uu ku geeriyooday.

Sarkaalkan Gaariga AMISOM uu dar daray ayaa waxa magaciisa lagu sheegay C/salaan Sheikh Hilowle, waxana uu ka tirsanaa guutada sadexaad ee ciidamada dowlada ee ku sugan Shabeelaha Hoose.

Gaasiidkii AMISOM ay jiiray Askarigaasi ka tirsanaa Ciidamada Xooga dalka Soomaaliya ayaa la sheegay in aysan u istaagin islamarkaan ay ka dhaqaajiyeen oo aysan dib u soo eegin.

Dhawaan ayay aheyd markii Ciidamada AMISOM ay dad rayid ah ku laayeen deegaanka Leego ee isla gobolka Sh/hoose.