Ra’iisul wasaare saacid oo faah faahin ka bixiyay wasiiru kuxigeenada uu dhawaan soo magacaabay

Muqdisho Dec 17 2012 (SDN)— Ra’iisul Wasaaraha Soomaaliya Cabdi Faarax Shirdoon Saacid oo maanta shirjaraa’id ku qabtay Magaalada Muqdisho ayaa faahfaahin ka bixiyay wasiiradii uu dhawaan uu soo magacaabay.

Cabdi Faarax Shirdoon Saacid Ra’iisul Wasaaraha dalka Soomaaliya ayaa sheegay in sababta loosoo magacaabay 20-wasiiru ku xigeen iyo 5-wasiiru dowlayaal ay tahay inay la shaqeeyan wasiirada 10-ka ah ee Xukuumadda Soomaaliya.

Wuxuu sheegay in Xukuumadiisa ay tahay Xukuumad kooban oo tayo leh islamarkaana si wanaagsan loosoo xulay isaga oo sheegay in latashiyo badan ay sameeyeen kadibna ay ku guuleesteen in lasoo dhameestiro Xukuumadda.

Ra’iisul Wasaaraha ayaa sheegay in 20-wasiiru ku xigeeno ay si wanaagsan ula shaqeyn doonaan Wasiirada Xukuumadda ee xilalka ay hayaan dhowr wasaaradood udhigma.

Hadalkaan ayuu Ra’iisul Wasaaraha Soomaaliya wuxuu maanta ka jeediyay isaga oo kulan la qaatay dhamaan wasiirada Xukuumadda Soomaaliya iyo wasiiru kuxigeenada markii ugu horeysay.

SDN-Muqdisho