Al Shabaab oo dib ugu soo laabtay Magaalada Diinsoor ee gobolka Bay

Diinsoor Dec 16 2012 (SDN)— Wararka ka imaanaya Magaalada Diinsoor ee Gobalka Baay ayaa waxa ay sheegayaan in Ururka Al-Shabaab ay dib ugu soo noqdeen magaalada.

Qof ku sugan Degmada Diinsoor ayaa sheegayaa in ciidamada Shabaab ay dib ugu soo noqdeen magaalada iyaga oow ata gaadiid dagaal islamarkaana guud ahaan magaalada ay ku dhexwareegayaan.

Xaalada Magaalada Diinsoor ayaa lasoo sheegayaa inay tahay mid hada cabsi ah oo ay shacabka dareemayaan maadaama Shabaab ay dib ugu soo noqdeen Magaalada ciidamada Dowladdana ay dhaqdhaqaaq ka wadaan Ufuroow.

Shalay ayeey aheyd markii Shabaab ay isaga baxeyn Degmada Diinsoor ee Gobalka Baay kadib markii halkaasi ay ka dareemeen dhaqdhaqaaq ciidan oo ay wadaan ciidamada Dowladda iyo kuwa Ethiopia.

Ilaa hada majirto Saraakiil ka tirsan Shabaab oo ka hadlay ka bixida iyo dib ugu noqoshada Shabaab ee Degmada Diinsoor ee Gobalka Baay halkaasi oo ay xalay dib ugu soo noqdeen.

SDN-Diinsoor