Nin 12 ruux ku dilay goob Aflaamta lagu daawado Mareykanka

Coloraado July 2012(SDN)-Nin hubeysan ayaa waxa uu 12 ruux ku xasuuqay goob Aflamta lagu daawado oo ku taal magaalada Denver ee gobolka Colorado ee cariga Mareykanka,ninkan ayaa weerarka ku dhaawacay in ka badan 38 kale.

Dadkan oo saqdii dhexe daawanayay film cusub oo ka mida taxanaha Batman ayaa wax mar qura ay ka war heleen ruux hubeysan oo u soo galay isla markaana tuuray walxaha dadka ka ilmeysiiya ka dibna rasaas ooda uga qaaday.

Dadka dhintay iyo kuwa dhaawaca ahba waxa ay isugu jireen 3 jir ilaa 45 jir.

Ninkan oo la yidhaahdo ames Holmes ayaa ciidamada amnigu ay sheegeen in aanu wax xiriira la leheyn kooxaha xagjiriinta ah.

Ma cada sababta ninkani uu dadka u laayay,booliska ayaa haatn ku hawlan baaritaan ay ku sameynayaan aqalkii uu ku noolaa.

Ciidamada ayaa ninka xasuuqa geystay ku qabtay isla goobta iminkana suaalo weydiinaya.

Madaxweynaha Mareykanka Barack Obama ayaa falkan ku tilmaamay mid laga naxo,waxaanu hakad geliyay ololihii doorashada ee uu bartamaha uga jiray