Taageero midowgii garabka Xisbiga UDUB iyo Xisbiga UCID Warsaxaafadeed Abdi M.Saleiman(Mingiste)
Marka ugu horeysa waxaan halkan salaan iyo hambalyo uga soo jeedinayaa bahweynta Xisbiga UCID meel kasta oo ay joogaanba,gaar ahaan Gudoomiyaha/odayga Xisbiga UCID Md.Faysal Cali Waraabe , Musharaxa Madaxweynanimada Xisbiga UCID Md Jamaal Cali Xuseen.Musharaxa Madaxweyne ku xigeenka Xisbiga UCID Md.Rashiid Xasan Mataan iyo Xog.Guud ee Xisbiga UCID Md. Axmed Adan Ismaciil (Kayse).Waxaan salaan iyo hambalyo taas la mid ah u dirayaa dhamaan bahweynta UCID iyo UDUB oo 12 July 2012 si rasmi ah ugu midoobay Hargeysa iyo guud ahaanba daafaha dunida.Intaa ka dib waxaa jecelahay in aan halkan ka soo jeediyo dhowr qodob oo kala ah :-
- 1. UDUB waxay heshay macdanta aduunka ugu qaalisan ee loo yaqaan Dheemanka (Diamond),laakiin way garan waayeen,balse waxaa gartay Diamond-kii Xisbiga UCID oo qaatay.
- 2. Waxaan aaminsanahay in shacabka reer Somaliland ay raadinayeen ISBEDEL iyo WEJIYO CUSUB,labadiina Xisbiga keliya ee ay ka muuqdaan maanta waa Xisbiga UCID,ee waa in ay is garabtaagaan.
- 3. Waxaan ugu baaqayaa dhamaan taageerayaashaydii,saaxibadaydii Xisbiga UDUB meel kasta oo joogaan dibada iyo gudahaba,in ay sida ugu dhaqsaha badan ugu soo biiraan,iskana xaadiriyaan xafiisyada Xisbiga UCID, ee wadanka ay joogaan, waxaana ogaataan in Xisbiga UCID uu yahay kii keeni lahaa isbedelkii aynu doonaynay.
- 4. Waxaa sidoo kale halkan BAAQ iyo TALO uga jeedinayaa dhamaan Ururadii ku hadhay wareegii hore in ay ku soo biiraan Xisbiga UCID,si aynu uga wada shaqyno humarka dalkeena iyo dadkeena.
- 5. Ugu dambayntii waxaan halkan uga soo jeedinayaa dhamaan aqoon yahanka/dhalinyarada/haweenka iyo dhamaan cid kasta oo danaynaysa horumarka iyo isbedelak Dimuqraatiyadeen ee Somaliland in ay ku soo dhowaadaan Xisbiga UCID,Xisbiguna waa u diyaar in uu ku soo dhoweeyo gacmo furan
ALLAA MAHAD LEH
Abdi M.Saleiman(Mingiste)
Xoghaya Cusub Arimaha Gudaha Xisbi UCID