Ciidamada Amniga Yemen oo qabqabtay degaal yahano Soomaali ah oo dalkooda ka hawlgelayay
Abyan Mar 29,2012(SDN)-Ciidamada Amaanka ee dalka Yemen iyo kuwo Mareykan ah oo la hawlgala ayaa qabqabtay ilaa 12 ruux oo Soomaali ah oo isaga gooshayay wadada isku xidha Abyan iyo Cadan.
Sida ay faafisay wakaalada wararka ee Examine ragan hubeysan ee la qabqabtay ayaa ka tirsan kooxda Al Shabaab ee ka dagaalanta Soomaaliya.
Ujeedada safarka Shabaabkan la qabqabtay ayaa lagu sheegay in ay aheyd sidii ay hawl galo uga fulin lahaayeen magaalo xeebeedka Cadan.
Sarkaal ka waramay xadhiga ragan ayaa sheegay in loo qaaday dhanka Cadan xero ciidan oo ku taal oo suaalo la weydiinayo.
Kooxda Al Shabaab ayaa dhawrkii bilood ee u danbeeyay u diray dalka Yemen ciidan tiradiisa lagu sheegay ilaa 300 oo askari,hub iyo walxaha qarxa.
Kooxaha xagjirka ah ee dalka Yemen ayaa ka faaiideystay qalalaasihii siyaasadeed ee dalkaas,ka dibna qabsaday dhawr magaalo.
SDN-Abyen