Salaadiinta Somaliland oo baaq nabaddeed u diray dhigooda Buuhoodle
Hargeysa, 05, March 2012 (SDN)- Qaar ka mid ah Salaadiinta Somaliland ayaa maanta baaq nabadeed u diray dhigooda deegaanada Buuhoodle iyo agagaarkeeda.
Salaadiinta oo warbaahinta kula hadlay hotel Xaraf ee magaalada Hargeysa waxay si wadajir ah ugu baaqeen Waxgaradka, Odayaasha iyo Garaadada deegaanada Buuhoodle inay aqbalaan gogosha nabada ee uu Madaxweynaha Somaliland hore ugu fidiyay, isla markaana waxay ku booriyeen inay dagaalka joojiyaan.
Salaadiintan ayaa sheegay in nabadu ay tahay waxa keliya ee bulsho ku horumarto, laguna noolaan karo, waxa kale oo ay sheegeen in meel kasta oo adduunka ka mid ah ay tabasho ka jirto, sidaa darteed marka gogosha nabada la isugu yimaado la dhamayn karo wixii tabasho ee jirta.
Waxaana ka mid ahaa Salaadiinta baaqa dirayay.
1- Suldaan Rashiid Suldaan Cali Ducaale
2- Suldaan Aadan Faarax
3- Suldaan Cabdiraxmaan Jaamac Dhawal
4- Suldaan Axmed Nuur
5- Suldaan Barre Xaaji Xuseen
6- Suldaan Ismaaciil Suldaan Cabdiraxmaan
7- Suldaan Naasir Suldaan Cabdi
8- Suldaan Axmed-daahir
9- Suldaan Samaale
SDN, Hargeisa Somaliland