Shabaab oo looga guuleystay Bardaale iyo Baydhabo oo xiisad laga dareemayo

Bardaale Feb 22,2012(qurbejoog.com)-Ciidamada dawlada KMG ah iyo kuwa Itoobiya ayaa maanta dagaal uga difaacay magaalada Bardaale ee gobolka Bay ka dib kolkii ay weerar rogaal celis ah ku soo qaadeen kooxda Al Shabaab oo hore halkaa looga saaray.

Saraakiil ka tirsan ciidanka dawlada ayaa saxaafada u sheegay in ay dagaalka ku jebiyeen Shabaabka isla markaana ay hore ugu sii soconayaan degaanada kale ee kooxdani ku sugan tahay.

Ciidamada dawlada iyo kuwo aad u hubeysan oo Itoobiya ka socda ayaa sheegay in ay bartilmaansanayaan bagaalada xarunta ugu weyn u ah Shabaabka ee Baydhabo.

Magaalada Baydhabo ayaa laga dareemayay xiisad colaadeed oo aad u weyn iyada oo dadka qaar ka baro kaceen magaalada maalmihii ina dhaafay.

Shabaabka ayaa dadka qora ciidamada si magaalada loo difaaco,mase muuqato suurtogalnimada ciidamadoodu ugu babac dhigi karaan awooda ciidan ee ku soo wejahan.

SDN-Bardaale
contact@somalidiasporanews.com