Xoghayaha Jaamacada Carbta oo mar kale ku baaqay in la joojiyo colaada Syria

Qahira Feb 14,2012(qurbejoog.com)-Xoghayaha Jaamacada Carabta  Mr. Nabiil AL-Carabi ayaa maanta  mar kale  ku baaqay  in dilka iyo rabshadaha ka socda  dalka Suuriya  si rasmi ah loo joojiyo , isagoo ku tilmaamay in at tahay burbur aan mujtamaca caalamka iyo  umadaha carabtu u dulqaadan Karin .

Mr. Nabiil Al-Carabi waxa uu intaasi ku daray in qararkii u dembeeyey ee jaamacada Carabtu soo saartay  uu ka mid ahaa qodobka ugu muhiimsani ,in si bilaa shuruurd ah loo joojiyo  dagaalada ka socda dalkaasi Suuriya , oo ay maalin kasta ku dhimanayaan dad badan oo shicib ah , oo  aan waxba galabsan .

Geesta kale ,  xukuumada Shiinaha  ayaa  iyana ugu baaqday dawlada Suuriya  iyo mucaaridka dalkaasi in ay  aayahooda , iyagu ka tashadaan kana digtoonadaan in dagaal sokeeye oo lagu hoobto dalkaasi ka dhaco, iyadoo cadeysay in  faro galin  dibadeed oo lagu  sameeyo dalkaasi ay ka soo horjeedaan.

Baaqyadan xoghayaha jaamacada carabta iyo dawlada Shiinaha  ka soo  yeedhay waxa uu ka dembeya markii xalay xoghayaha arimaha  dibada  ee Maraykanku Miss. Helari Killinton ku dhawaaqday in Madaxweyne Bashaar Al-Asad xilka madaxtinimo si nabad  galyo ah u wareejiyo , si dilka iyo xasuuqa dadka shicibka ahi u joogsadaan.