Dabley Boolis Kenyaati ah ku laayay Wajeer xalay

Wajeer Jan 12,2012(qurbejoog,com)-Dabley hubeysan oo aan ilaa iminka la garan ayaa xalay tiro boolis ah oo Kenyaati ah ku laayay xero ku taal duleedaka magaalada Wajeer ee Woqooyi Bari Kenya.

Sarkaal diiday in magaciisa la shaaciyo ayaa xaqiijiyay in weerarka ay ku dhinteen sadex ka mid ah booliska isla markaana ay dhaawacmeen ilaa labo kale.

Sarkaalku waxa kale oo uu sheegay in ay jiraan askar dheeraad ah oo aan la garaneyn halka ay qabteen weerarka dabadii.

Dableyda ayaa xerada ku weeraray hub culus oo ay weheliyaan walxaha qarxa sida uu sarkaalkani u sheegay saxaafada.

Weerarakan u danbeeyay ayaa lagu qaaday xero boolis oo xadka Kenya la wadaagto Soomaaliya u jirta in ka yar 100 KM.

Weerarada nuucan ah ayaa ku soo badanaya aag xuduuda ah ee labada dal ay wadaagaan intii ka danbeysay duulaankii Kenya ay ku qaaday kooxda Al Shabaab.

Qurbejoog-Wajeer
contact@somalidiasporanews.com