Al Shabaab oo bilowday isticmaalka Twitter

Muqdisho Dec 09,2011(qurbejoog.com)-Kooxda Al Shabaab ayaa todobaadkan markii u horeysay lagu arkay barta xog-wadaaaga ee Twitter ka dib kolkii ay furatay ciwaan u gaar ah HSMpress Somalia.

HSM oo loo soo gaabiyay Harakat al Shabaab al-Mujahideen ayaa ilaa iminka la isticmaalay uun ilaa lix goor oo qudha.

Tilaabadan ayaa u muuqata mid jawaab u ah afhayeenka ciidamda Kenya oo si joogto ah u isticmaala Twitter.

Ilaa iminka waxa baahinta HSM fiiro gaar ah u leh saxaafada,heyadaha gargaarka iyo cid walba oo xiisaysa la dagaalanka argegixisada.

Durba shabaabku waxa at witter u isticmaaleen sheegashada dhawr dagaal oo todobaadkan dhacay iyo ciidamo ka tirsanaa dawlada oo isu soo dhiibay.

Shabaabka ayaa dhawaan magacoodii u bedelay Imaarada Islamiga ah ee Soomaaliya.

Furashada Twitterna waxa ay qeyb ka tahay dib u habeynta ay kooxdani ku sameyneyso sawirkii hore looga heystay.

 

Qurbejoog-Muqdisho

Somalidiasporanews.com