Suuqa weyn ee magaalada Bosaaso oo shuf beelay
Bosaaso Dec 03,2011(qurbejoog.com)-Suuqa weyn ee magaalo xeebeedka Bosaaso aya xalay ilaa saaka gubanaya iyada oo qeybo badan oo suuqaasi ka mid ihi uu gebi ahaanba shuf beelay.
Suuqa oo ilaa xalay gubanayay ay ciidamada gurmadka iyo shacab isxilqaamay ay wadeen dedaalo lagu deminayo dabka,balse ilaa saaka suuqu waa uu gubanayaa.
Ciidamada amaanka Puntland ayaa waday ilaa saaka dedaalo ay isaga hortaagayaan dad doonayay in hantida suuqa taala ay ku gurtaan.
Ma cada ilaa iminka sababta dabka dhalisay balse waxa muuqda in qeybihii ugu muhiimsanaa ee suuqa ay gebi ahaanba gubatay.
Qurbejoog-Bosaaso