SSC-Khatumo oo beenisay in Firdhiye iyo Cirro wadahadleen

Laascaanood December 05, 2024(QJ) – Maamulka ku meel gaadhka ah ee SSC-Khaatumo ayaa soo saaray war-saxaafadeed ay kaga hadlayaan warar sheegayay inay khadka taleefoonka ku wada hadleen hogaamiye Cabdulqaadir Firdhiye iyo madaxweynaha cusub ee Somaliland, Cabdiraxmaan Maxamed Cabdilaahi (Cirro).

SSC ayaa beenisay wada hadaladan oo si weyn loogu faafiyay baraha bulshada kadib markii lagu dhawaaqay in labada dhinac ay ka wada hadleen xiisada taagan.

War saxaafadeedka ayaa lagu sheegay in hogaamiyaha SSC loo dhaariyay inuu ilaalinayo axdiga maamulka iyo difaaca dadka iyo dhulka Khaatumo, taasoo ka dhigaysa mid aan gorgortan siyaasadeed noqon karin.

Khaatumo ayaa gabi ahaanba meesha ka saartay in ay wada hadal dhexmari karaan labada dhinac, iyagoo ku eedeeyay Somaliland in ay dambi ka gashay shacabka SSC.

“Hogaamiyaha SSC-Khaatumo waxa lagu dhaariyay Axdiga Maamulka, kaas oo dammaanad qaadaya difaaca sharafta shacabka iyo guud ahaan dhulka SSC-Khaatumo, ma jirto wax gorgortan iyo gorgortan ah oo lagu galayo qayb ka mid ah SSC-Khaatumo. dhul,” ayaa lagu yiri warka ka soo baxay maamulka.