Al Shabaab oo weeraray ciidamada ATMIS

Muqdisho November 28, 2023 (QJ) -Dagaalyahano ka tirsan Al-Shabaab ayaa lagu soo waramayaa in ay shalay weerar ku qaadeen ciidamada dowladda Soomaaliya iyo kuwa Midowga Afrika ee AMISOM ee ku sugan gobolka Shabeellaha Hoose.

Mid ka mid ah weerarradan ayaa lala beegsaday ciidamo ka tirsan dowladda Soomaaliya iyo kuwa ATMIS oo ku sugnaa agagaarka deegaanka Daanow, waxaana halkaasi ka dhacay dagaal xooggan.

Sidoo kale, weerar labaad ayaa ka dhacay deegaanka Jannaale, halkaasoo Al-Shabaab ay weerar gaadmo ah ku qaadeen kolonyo ay la socdeen ciidamada dowladda, waxaana halkaasi ka dhacay dagaal xooggan oo labada dhinac dhexmaray.

Saraakiil ka tirsan ciidamada xoogga dalka Soomaaliya oo la hadlay warbaahinta ayaa sheegay in ay ku guuleysteen in ay iska difaaceen weeraradii Al-Shabaab ay ku soo qaadeen, islamarkaana hadda ay ku sugan yihiin deegaankaasi.

Al-Shabaab ayaa war qoraal ah oo ay soo saartay weerarradan kadib waxa ay sheegtay in ay khasaare gaarsiisay ciidamada dowladda iyo kuwa ATMIS-ka.

Sida ay sheegeen ciidamada dowladda waxaa la sheegay in khasaare uu soo gaaray kooxihii weerarka soo qaaday, waxaana hadda ay ku howlan yihiin sidii ay u xaqiijin lahaayeen goobihii uu qaraxu ka dhacay.

Gobolka Shabeelada Hoose ayaa waxaa weli fariisin u ah kooxda Al-Shabaab, waxaana marar badan ka dhacay dagaallo iyo weeraro khasaare dhimasho iyo dhaawac geystay oo ka dhacay deegaankaasi.