Al Shabaab oo Buulo-Mareer ku weeraray ATMIS

Buulo-Mareer November 10, 2023 (QJ) -Ciidamada Uganda ee qeybta ka ah howlgalka ATMIS iyo Al-Shabaab ayaa dagaal maanta ku dhexmaray degmada Buulo-Mareer ee gobolka Shabeellaha Hoose. Dagaalka ayaa billowday kaddib markii Al-shabaab ay weerar ku qaadeen saldhigga ciidamada Uganda ee Buulo-mareer, iyadoo dagaalka uu socday muddo saacado ahaa ayaa waxaa ka dhashay khasaare kala duwan oo soo kala gaaray labada dhinac, inkastoo uu jiro dagaal xooggan.

Dagaalka ayaa geystay khasaare lixaad leh, iyadoo labada dhinac uu soo kala gaaray khasaarooyin kala duwan, inkastoo aan si dhab ah loo ogeyn inta uu gaarsiisan yahay.

Intii uu dagaalka socday ayaa la sheegay in ciidamada ATMIS ay iska caabiyeen Al-Shabaab oo weerar ku soo qaaday duleedka magaalada, iyagoo ka hortagay in khasaare kale uu soo gaaro. ATMIS ayaa wali gacanta ku heysa xaruntoodii Buulo-Mareer, sida ay xaqiijiyeen saraakiisha ammaanka ee degmada.

Xaalada Buulo-Mareer ayaa kacsan. Bishii May ee sanadkan ayay aheyd markii Al Shabaab ay weerar xoogan ku qaadeen fariisimo ciidamada Uganda ay ku lahaayeen deegaankaasi, waxaana weerarkaasi lagu dilay askar badan oo Uganda u dhashay. Al-Shabaab ayaa muddooyinkii dambe dhaq dhaqaaqyo ka waday gobolkaasi, kuwaasi oo qal qal amni abuuray.