Musharixiinta Xilka Madaxweyne ee Koonfur Galbeed oo dalbaday Doorasho

Nairobi September 13, 2023 (QJ) – Waxaa magaalada Nairobi ee dalka Kenya lagu soo gaba gabeeyay shir socday muddo saddex maalmood ah oo ay ka qeyb galeen musharixiinta u taagan qabashada xilka madaxweynaha maamulka Koonfur Galbeed Soomaaliya. Shirka ayaa sidoo kale waxaa ka soo qeyb galay mas’uuliyiin kale oo dalka caan ka ah.

War murtiyeed laga soo saaray shirka kadib ayaa ku baaqaya in si deg deg ah loo dhiso guddiga u qaabilsan soo xulista Xildhibaanada Baarlamaanka sadexaadee South-West , iyadoo ay xusid mudan tahay in xubnahaas ay noqdaan shaqsiyaad aan wax siyaasad ah ku lug laheyn, isla markaana si dhex dhexaadnimo ah loo soo xulo, iyadoo la tixgelinayo baahida loo qabo in waqtigeeda la qabto doorashada.

War murtiyeedka ayaa sidoo kale ku booriyay dowladda Federaalka Soomaaliya inay xil iska saarto fulinta iyo fulinta heshiiskii Baydhabo, kaasoo ay wada saxiixdeen Madaxweynaha Soomaaliya Xasan Sheekh Maxamuud iyo Guddoomiyaha Baarlamaanka Federaalka Soomaaliya Sheekh Aadan Maxamed Nuur (Madoobe).

Musharixiinta ayaa ku dhawaaqay in laga bilaabo 1-da November 2023 maamulka Koonfur Galbeed uu si buuxda u maamuli doonin gobolka, isla markaana aysan keenin wax caqabad ah oo hor istaaga habsami u socodka howlaha doorashada ee xaquuqda musharixiinta kale. Maamulka iyo maareynta hanaanka doorashada ayaa waxaa gacanta ku hayn doona Wasaaradda Arrimaha Gudaha Federaalka iyo Odayaasha Dhaqanka ee beelaha iyo qeybaha kala duwan ee bulshada, sida uu qabo heshiiskii Baydhabo.

Ugu dambeyn, Musharixiinta Maamulka Koonfur Galbeed ayaa sheegay in Odayaasha Dhaqanka ee soo xulaya Xildhibaanada Maamulkaasi looga ilaalin lahaa culeyska iyo cadaadiska si ay u soo dhameystraan howlahooda shaqo.

Waxaa xusid mudan in Madaxweyne Cabdicasiis Lafta-gareen uu mudo xileedkiisu dhammaaday sanadkii hore, kaddib heshiis siyaasadeed oo lagu gaaray magaalada Baydhabona loogu kordhiyay wakhtiga o0 kaga eg November 2023.