Xildhibaan Indho-indho oo ay baafinayso maxkamadi

Hargeysa. 3 August, 2022. (QJ)- Maxkamadda Gobolka Sool ee Somaliland ayaa soo saartay warqad ay warbaahinta ku socodsiisay oo lagu baafinayo xildhibaanka caanka ah ee Cabdiqaadir Indhoindho oo ka tirsan Golaha Guurtida ee Somaliland, kaas oo muddo bil ah maxkamaddu u qabatay in uu ku hor yimaado Maxkamadda Gobolka Sool.

Maxkamadda Gobolkka Sool ayaa sheegtay in dacwad madani ahi ay taalo maxkamadda isla markaana eedaysane yahay xildhibaanku, sidaa darteed looga baahanyahay in inta ka horaysa 2 September, 2022 uu ku hor yimaado maxkamadda.

Maxkamadda ayaa ku hanjabtay in go’aan laga gaadhayo dacwadda loo haysto Indhoindho hadii uu iman waayo Maxkamadda Gobolka Sool.