‘’Wasiir Caddaani Wuxuu ku Guulaystay inuu u Caddaalad sameeyo Shaqaalaha Taasna Wuu Simay,Sidoo kale Waxaan qiraynaa inuu ka dhawrsoonaa Musuq-maasuqa Waayo Wuxuu Xareeyay Lacagihii…’’ Weriye Maxamed Weji DAAWO

Hargaysa 20. December 2017 (SDN/QJ):-Weriyaha Ruug cadaaga ah ee Maxamed Xasan Cali Weji oo Ku hadlayay Afka Shaqaalaha Wasaaradda Warfaafinta iyo Wacyigelinta ayaa ka marag kacay Waxqabad uu hirgaliyay Wasiirkii Hore ee Wasaaradda Warfaafinta Mudane Cismaan C.laahi Saxardiid Caddaani.

Mr Weji ayaa sheegay in Wasiir Caddaani oo maanta wareejiyey Xilkii Wasaaradaasi uu ku suntan yahay Wasiirkii u horeeyay ee u Caddaalad falay Shaqaalaha Wasaaradiisa gaar ahaan duudsi ka jiray dhanka Gunooyinka iyo Mushahaarooyinka waxaa kale oo uu xusay in Wasiirkii hore uu yahay Wasiirkii kowaad ee Khasnada dawlada ku shubay Kirooyinka laga qaado Idaacaddaha BBC iyo VOA.