Boqorka Waddanka Sucuudiga oo Booqasho ku Tegaya Dalka Ruushka

Riyadh 03. October 2017 (SDN/QJ):- Boqorka Dalka Sucuudiga Boqor Salmaan Binu Cabdilcasiis ayaa lagu wadaa inuu khamiista socdaal ku tago dalka Ruushka, sidaasina waxa sheegay La taliye ka tirsan aqalka Kirimiliinka ee looga taliyo dalka Ruushka.

Wakaaladda Wararka dalka Ruushka ee INTER-TAAS ayaa waxa ay sheegtay socdaalka Boqorka sucuudigu uu ku tegayo dalka Ruushka shanta bishan aynu ku jiro ee Oktoobar ma jiraan wax tafaasiil ah oo laga bixiyey safarka boqorka. Iyada oo dalka Sucuudigu dhinaciisana aanay jirin war rasmiya oo ka soo baxay oo ku saabsan socdaalka Boqorka ee dalka Ruushka uu ku tegayo.