Madaxweynayaasha Turkiga Iyo Ruushka oo Heshiis ka Gaadhay Colaada Gaamurtay ee Suuriya

Ankara 01. October 2017 (SDN/QJ):- Madaxweynaha Ruushka Vladimir Putin iyo dhiggiisa Turkiga Recep Tayyip Erdogan ayaa ku heshiiyay in la riixo abuuritaanka aag ka caagan xasaradaha oo laga hirgelinayo gobolka muhiimka ah ee Idlib ee waqooyiga Suuriya.

Hadafka arrintani ay madaxdani ku sheegeen ayaa ah  sidii loo dhameyn lahaa dagaalka sokeeye ee Suuriya.

Kadib marki ay dhamaadeen wadahadalada labadani hogaamiye, ayuu madaxweyne Erdogan ka sheegay magaalada Ankara in Turkiga iyo Ruushka  ay doonayaan inay ka dhabeeyaan dhameystirka qorshahani.

Heshiiskan ayaa loo arkaa inuu tallaabo weyn oo horay loo qaaday u yahay bilowga wadahadalo nabadeed oo lagu soo dhameynayo colaada sokeeye ee Suuriya.

Gobolka Idlib waxaa hadda maamula kooxaha Islaamiyiinta.