Madaxweynihii Hore ee Yemen Cali Cabdulaah Saalax oo Caasimadda Yemen ku Diyaariyey 30 Kun oo Askari & Dhoola Tus ay Maanta samaynayaan

Sanca 24. August 2017 (SDN/QJ):-Madaxweynahii hore ee Dalka Yaman Cali cabdallah saalax ayaa Magaalada sanca ku soo diyaariyey 30 kun oo ka mid ah ciidamada isaga taageersan, kuwaas oo ka qayb qaadanaya bandhig lagu xusayo 35 guurada ka soo wareegtay aasaaskii xisbiga Koongareeska shacabka ee uu hogaamiyo oo maanta la xusi doono.

 

Cali cabdallah Saalax ayaa ugu baaqay taageerayaashiisu inay ka soo qayb galaan xuska sanadguuradaasi oo ka dhici doona magaalada xarunta ah ee Sanca.

 

Wararka qaarkood waxa ay sheegayaan in kooxda xuutiyiinta oo aanay mudooyinkan dambe isku wanaagsanayn Cali cabdalla Saalax in ay ka hor joogsadeen qaar ka mid ah taageerayaasha Saalax oo u safrayey dhanka caasimada.