Haweenay Ka  Mid Aheyd Xujaajta Dalka Ciraaq Ka Timid Oo Kasoo Dhacday Dhisme Dheer Oo Geeriyootay !

Madiina 15. August 2017 (SDN/QJ):- Ciidammada ammaanka ee magaalada barakaysan ee Madiina Al-munawara ayaa haweenay ka mid aheyd xujaajta ka timid Dalkaasi Ciraaq ayaa kasoo dhacday dhisme aad u dheer oo ka koobnaa 13 dabaq.

 

Afhayeen u hadlay ciidammada magaaladaasi Madiina oo la yidhaahdo Xuseen Al-qaxdaani ayaa cadeeyay in haweenaydaasi da’deedu ahayd 60 jir, waxa kale oo uu sheegay in haweenaydani ay barandaha aqalkii ay deganayd ay ku wadhaysay dhar,  intaasi kadibna birtii ay dharka ku wadhaysay ay la goday, taasina ay sabab u noqotay inay kasoo dhacdo dabaqaasi aadka u dheer, sidaana ay ku geeriyootay.

Sidoo kale waxa uu cadeeyay in aanay jirin cid wax dhibaato ah u geysatay balse ay sababtaasi oo kaliya awgeed u geeriyootay.