Maraykanka oo 120 Gaadhi oo Shixnad Hub ah u Diray Ciidanka Mucaaridka ku ah Dawlada Suuriya

Washington 10. August 2017 (SDN/QJ):- Dawlada maraykanka ayaa 120 gaadhi oo xamuul ah oo sida shixnado hub ah oo kala duwan waxa ay u dirtay ciidanka Dimuqraadiyiinta mucaaradka Suuriya ee ay Maraykanku taageeraan, kuwaas oo ay iska kaashanayaan sidii jabhada daacish looga saari lahaa Magaalada raqqa ee dalkaasi Suuriya.

Kolonyadan gawaadhida ah ee hubka sida oo ka yimid dhanka dalka Ciraaq ayaa suuriya ka soo galay  xuduuda ee magaalada Xasakah, waxana ay sii dhexmarayaan deegaano ay gacanta ku hayaan jabhada kurdiyiinta Suuriya, sida uu baahiyey telefishinka Alcarabiyah Xadas .

lama oga nooca hubka ee ay gawaadhidaasi sidaan waxana illaa haatan Magaalada raqqa ka socda dagaalo kulul, iyadoo maraykankuna dhowaan sheegeen inay weli halkaa ka dagaalamayaan illaa 2000 oo ka mid ah maleeshiyaadka kooxda daacish.