‘’Waxaan Markhaati ka ahay in Aniga iyo C.raxmaan Talyanle Midna uu Dibada ku Dhintay Midna Gudaha ayuu ku dhintay Sidaa Awgeed Waxaa Dadka Deegaanka aan Ka Soo Jeedaa ay Isugu Noqon doonaan Tashi Buuxa oo Balaadhan,Kumana Qanacsani…’’ Xildhibaan Saleebaan Cali Koore DAAWO

Hargaysa 07. August 2017 (SDN/QJ):- Xildhibaan Saleebaan Cali Koore oo ka tirsan Mudanayaasha Golaha Wakiiladda Somaliland kuna abtirsada Xisbiga Kulmiye Isla markaana Culays badan lagu saaray inaanu u tartamin Jagada Gudoomiyaha Golaha Wakiiladda ayaa sheegay in aanu aqoonsanayn Doorashadii loogu doortay Mudane Baashe Maxamed Faarax Xilka Gudoomiyaha Golaha Wakiiladda ee uu arbacadii hore baneeyay Gudoomiye C.raxmaan Cirro oo Shalay si rasmi ah loo Buuxiyey.

Waxa uu Xildhibaan Saleebaan Cali Koore sheegay in Dadka uu Matalo ay isugu iman doonaan kulan balaadhan oo ay kaga arrinsanayaan halka ay Masiirkooda siyaasadeed marin doonaan,Isagoo Hoosta ka xariiqay in Doorashadii Shalay ee Golaha Wakiiladdu ay Muujin doonto halka uu Codka Dadweynuhu yaalo marka la gaadho doorashadda Madaxtooyadda taas oo u dhacaysay Nuxur ahaan in Deegaanka uu isagu ka soo Jeedo uu Ubuc u Yahay Codad badan oo kala Saari doona Murashixiinta Jagooyinka Madaxweyne-nimo.