Ururka Alshabaab oo Soo Bandhigay Gaadhigii Ololaha Doorashada ee Madaxweynaha Kenya oo ay Gacanta ku dhigeen

Muqdisho 06. August 2017 (SDN/QJ):- Xarakada Al Shabaab ayaa soo bandhigtay Gaari loogu ololeenayay Xisbiga Madaxweynaha dalka Kenya ee Jubullee , gaarigan ayaana dhawaan laga soo afduubay duleedka magaalada Mandheera ee gobolka Waqooyi bari dalka Kenya.

Gaarigan Al Shabaab soo bandhigtay ayaa ahaa mid loogu ololeenayay Doorashada Madaxwenaha Dalka Kena gaar ahaan Xisbiga talada dalka haya ee Jubilee, waxaana gaarigan Al Shabaab lasoo galeen gudaha Soomaaliya,

Warbaahinta dalka Kenya ayaa dhawaan baahisay in Al Shabaab Duleedka Mandheera ka qafaasheen gaari loogu ololeenayay Xisbiga Madaxweynaha, waxaana gaarigan la sheegay in lala afduubtay tiro dad ah oon la shaacin, mana soo bandhigin Al Shabaab dad lasoo qafaashay gaarigan,.