Nin Badbaadiyay Nolosha Qoysas Kula Noolaa Dabaq Uu Deganaa Oo Dab Qabsaday

Hargaysa 03. August 2017 (SDN/QJ):- Geesinnimadu hibo Ilaahay bixiyo waana arrin loo baahan yahay sidoo kale waxa habboon in aynu xasuusnaano in guusha uu qofku gaadho uu Ilaahay u fududeeyay.

Haddaba, Nin magaciisa la yidhaahdo Cali Xasan Caamir ayaa waxa uu ku guulaystay inuu badbaadiyo saddex qoys oo ay dabaq wada deganaayeen, ninkan oo geesimnnimo muujiyay ayaa waxa uu sheegay inuu la kulmay ninkii aqalkiisa uu dabku ka kacay isla markaana uu ka adkaysan kari waayay arrintaasi isagoo ka hadlaya sida uu hawshaasi u galayna waxa uu yidhi “Waxaan arkay aqal gubanaya markii ay saacadu ahayd 9kii subaxnimo, waxaanan arkay ninkii aqalkiisa dabku ka kacay aan xaqiiqsaday, isla markiiba waxaan wacay ciidanka dab-damiska waxaanan bilaabay inaan soo daad gureeyo ubadkii iyo dumarkii ku jiray guryaha, waxaanu Ilaahay ii fududeeyay inaan debada soo wada dhigo dadkii oo dhan iyada oo aanay ciidankii dab-damisku wali i soo gaadhiin”.

Ninkan ayaa aad looga hadal hayaa dalkaasi Sucuudiga waxaana la filayaa in dhawaan lagu abaal mariyo geesinnimadaasi uu muujiyay.