Maraykanka oo Tijaabiyey Gantaal Kuwa Riddada dheer ee Balaastiga ah & Fariinta ay u direen Kuuriyadda Waqooyi

Washington 03. August 2017 (SDN/QJ):- Milateriga Dalka maraykanka ayaa waxa ay sheegeen inay Tijaabiyeen gantaal kuwa ridada dheer oo nooca balaastikada ah, waxana tijaabadoodu ku soo beegmaysaa maalmo kooban ka bacdi markii ay Kuuriyada waqooyi samaysay tijaabo taa la mid ah.

Maraykanku waxay tijaabadan ku sameeyeen saldhiga ciidamada cirka ee Vandenberg ee Gobolka Kalifoorniya, waxana xiligan jirta dhibaato dhanka ammaanka ah oo Maraykanka kala dhexaysa Kuuriyada waqooyi.

Gantaalkan ayaa xalay laga riday saldhigaasi waxana uu goynayey xawaare gaadhaya 4200 Mile saacadiiba, isagoo gaadhay Jasiirada Kwajalin oo ka tirsan jasiiradaha Maarshaal.