Xulufada Sacuudiga oo ka Cadhooday Heshiis ay Wada gaadheen Dowladaha Qadar iyo Maraykanka

Riyadh 16. July 2017 (SDN/QJ):- Dowlada Sacuudiga iyo dowladaha kale ee xulufada la ah dhawaan shaaciyay in a xariirka u jareen dalka Qadar ayaa si weyn uga cadhootay heshiis dhawaan magaalada Doha ku kala saxiixdeen dowladaha Mareykanka iyo Qadar.

Dowladaha Qadar iyo Marekanka ayaa sheegay in ay ku heshiiyeen ka hortaga maalgalinta kooxaha loogu yeero argagaxisa, waxa ayna labadan dowladood isku raaceyn in aan la maal galin lalana dagaalamo kooxaha xagjirka sida Kooxda Daacish.

 

Sacuudiga iyo dalalka kale ee xariirka u jaray dowlada Qadar ayaa sheegay in uusan u cuntameyn heshiiskii lagu gaaray magaalada Doha, waxa ayna tilmaameen in Qadar aan la aamini Karin marar horana u jabisay heshiisyo la gaaray.

 

Xoghaaha Arimaha Dibada dalka Mareykanka ayaa sheegay in heshiiska uu dalkiisa la saxiixday dalka Qadar uu saameyn ku yeelan doono maalgelinta kooxaha argagixisada ah, korna uu u qaadi doono dagaalka ka dhanka ah kooxahaasi.

 

Dowladaha kasoo horjeeda dalka Qadar ayaa sheegay in ay sii wadi doonaan cunaqabteynta ay kusoo rogeen dalka, waxa ayna ku eedeeyeen Dowlada Qadar in ay maal galiso xariirna kala dhaxeeyo kooxaha argagaxisada ah.