Nuxurka Qodobo Muhiim ah oo Saaka Ka Soo Baxay Shirkii Saddexda Xisbi Qaran iyo Komishanka Doorashooyinka Somaliland SAWIRO
Hargaysa 14. June 2017 (SDN/QJ):- Kulan xasaasi ah oo dhex-maray saddexda Xisbi qaran iyo Komishanka Doorashooyinka, ayaa la isku la jeex jeexay arrimo badan oo muhiim ah kuwaasi oo ay ugu horreeyaan habka iyo hanaanka ay u socoto diyaar garowga doorashada Madaxtooyada Somaliland, halka uu maraayo qaadhaankii doorashada iyo weli ba sida oo kale qaabka bixinta qandaraasyada ee qalabka Doorashada.
Waxa kale oo kulankaas si daah-furnaan ah oo nasiib ah looggu wadaagay habka ay u soo kala horreynayaan magacyada Xisbiyadu marka la qoraayo waraaqaha Doorashada ee codbixinta iyo weli ba sida oo kale sida saddexda Xisbi ugu horreynayaan ololeyaashada Doroashada, iyada oo habka waraaqda looggu qoraayo ay ugu kala horreynaayaan sidan . WADDANI, KULMIYE iyo UCID halka ololaha na ay u kala horreynayaan KULMIYE, UCID iyo WADDANI.
