Dawladda Somaliya oo Kaalin Dhex Dhexaad ah Iska Istaagtay Khilaafka Diblomaasiyaddeed ee u Dhaxeeya Wadamada Carabta

Muqdisho 09. June 2017 (SDN/QJ):- Dawladda dalka Somaliya, ayaa ka hadashay khilaafka diblomaasiyaddeed ee maalmahii u dambeeyey soo kala dhaxe-galay wadamo ka mid ah dalalka Carabta oo qaarkood ay xidhiidhkii diblomaasiyaddeed u jareen dawladda Qadar oo ka mid ah dawladaha ugu waaweyn dalalkaasi Carabta.

 

Dawladda Somaliya, oo  arrintan kaga hadashay war-saxaafaddeed ay soo saartay, ayaa waxa lagu sheegay in dawladda Somaliya ay ku talinayso in arrintaas khilaafka ah lagu dhammeeyo wada-hadal sida oo kale na ay arrintooda soo kala dhex-galaan jaamacadda Carabta taasi oo ay sheegeen in ka Somaliya ahaan ay ka qeyb noqon doonaan furdaamin khilaafaadka soo kala dhex-galay dawladahaasi.