Tagsiile Magac Ku Helay Khatar Uu Naftiisa U Geliyey Bedbaadada Dad Mindiyo Lagu Eryaynayey Weerarkii London

London 07. June 2017 (SDN/QJ):- Nin Taksiile ah, ayaa wuxuu badbaadiyay dad aad u tira badan, kadib markii isaga oo ka gudbaya Biriijka magaalada London uu la kulmay saddex nin oo mindiyo sitay kana qayb ahaa weerarro ka dhacay magaalada London habeennimadii Sabtida ee toddobaadkan

Idaacadaha Dalka Britain ayaa waxa ay ninkan ku tilmaameen inuu yahay geesi jecel waddankiisa una damqanaya dadkiisa, maaddaama baa la yidhi uu Ninkaasi uu Gaadhigiisa ku eryaday Saddexda Nin ee Mindiyaha Dadka la dhacayey.

Idaacadda LBC ee dalkaasi ayaa soo werisay in ninkani uu saddexdaasi nin uu ku eryaday gaadhigii uu watay, taasina sababtay in ay saddexda ee Weerrarka geysanayey ay khalkhlaan oo kolba dhinac u cararaan. Ninkan ayaa goobta ka tagay markii ay soo gaadheen Ciidamada Ammaanku.

Ninkan oo markaasi ka dib laga qaaday Wareysi, ayaa yidhi “Markii ay saddexda nin la soo dageen mindiyaha waxa aan ka gubayay Birijka magaalada London, markii aan arkay in ay nimankani dadka ku weerarayaan midiyaha waxa aan isku dayay in aan qayliyo oo aan u tilmaamo waddada saxda ah, intaasi kadib waxa aan sameeyay in saddexdii nin ku eryado gaadhiga oo aan ka khalkhaliyo dadkii ay beegsanayeen waxa aanan arrintaasi waday ilaa iyo intii ay ciidamada amaanku soo gaadhayeen goobta”.

Saddexda Nin ee Weerarkan geystay ayaa dilay 7 Qof, waxayna dhaawaceen 48 kale, sida laga soo xigtay Ciidammada Booliiska ee Magaalada London.