80 Ruux oo Ku Dhintay & 300 oo Kale oo Ku Dhaawacmay Qarax ka Dhacay Kaabuul

Kabul 02. June 2017 (SDN/QJ):- Ugu yaraan 80 Qof ayaa ku dhintay Saddex boqol oo qof oo kalena wey ku dhaawacmeen Qarax ka dhacay Magaalada Kaabuul Caasimada dalka afganistaan.

Booliska ayaa sheegay in Qaraxan loo adeegsaday Gaadhi laga soo buuxiyey waxyaalaha qarxa Kasoo uu ka dhacay meel ku dhaw Mandaqada ay Badi Safaaradaha dalalka shisheeye  iyo Xafiisyada dawladdu ku yaalaan ee  Magaalada Kaabuul.

 

Qarax kale ayaa ka dhacay Magaalada Kabul meel ku dhaw  Qasriga madxtooyada dalkaasi iyo Safaaradda Jarmalku leeyahay, Qaraxaasi oo gaystey dhaawac iyo khasaare soo gaadhay dhismayaashii ka ag-dhowa

Safaarada dalka Masar uu ku leeyahay magaalda KABUL ayaa iyana waxa soo gaadhay burbur dhanka dhismaha ah sida ay shaacisay wasaaradda arimaha dibada ee dalka Masar.

Dawlada jabaan iyana ku dhawaaqday in labo ka mid ah diblumaasiyiinteedii safaaradeeda Kabul ay waxyeelo soo gaadhay.