Dareenka Qoys Caan ka ah Saaxada Ciyaaraha oo Ka Badbaaday Qaraxii  Ka Magaalada Manchester !

Manchester 26. May 2017 (SDN/QJ):- Tabbabare Beib Guardiola ayaa waxa uu Qoyskiisu ka kooban yahay Xaaskiisa iyo laba hablood oo uu dhalay waxaanu xilliga uu qaraxaasi dhacayay ku sugnaayeen Magaalada Manchester, balse waxa la xaqiijiyay inay bad qabaan oo aanay wax dhibaato ahi ka soo gaadhin qaraxaasi, dhinaca kale waalidka Dhalay Tabbabaraha Kooxda M.citay oo la yidhaahdo Valenti Guardiola ayaa waxa uu yidhi “Xilligii uu qaraxu dhacayay labada gabadhood ee Wiikayga Bieb Guradiola uu dhalay iyo xaaskiisuba waxay ku sugnaayeen Goobtii xafladu ka dhacaysay ee la qarxiyay, Laakiin Nasiib wanaag wax dhibaato ahi kamay soo gaadhin oo way ka badbaadeen”. waxaanu sidaasi ku sheegay wareysii uu siiyay Jarriidada Reggio 7 ee ka soo baxda Dalka Spain.

Sidoo kale Tabbabare Bieb Guradiola ayaa waxa uu yidhi “Ma rumaysan Karo waxa dhacay waxaanse tacsi u dirayaa Ehelka iyo Qaraabada Dadkii ku dhintay Qaraxaasi”, qaraxa ka dhacay magaalada Manchester ayaa waxa uu ka yaabiyay guud ahaan Dunida.

 

Qoyska Tabbabaraha Kooxda Kubbada Cagta ee M.City ayaa ka badbaadey Qarrixii ka dhacay Magaalada Manchester ee ay ku naf waayeen 22 ruux halka ay ku dhaawacmeen 59 kale.