Hooyo Xabsi Guri Galisay Hablaheedii & Sababta Ku Keliftay !

Marocco 15. May 2017 (SDN/QJ):- Hooyo ka soo jeeda Dalka Morocco ayaa saddex hablood oo ay dhashay muddo 30 sanadood ah  ku haysay guriga waxaanay haatan hablahan da’doodu tahay 30 ilaa iyo 45 jir inta u dhexaysa, arrinta aadka u layaabka badan ayaa noqotay sababta hooyadani hablaheeda muddadaasi guriga ugu haysay oo ay ku sheegtay inay uga baqaysay Il iyo Xasadka dadka, taasi oo macnaheedu yahay inay uga baqaysay in laga cawryo.

Hooyadan iyo saddexda hablood ee ay dhashay waxay ku nool yihiin tuulada Kasnaya ee hoos tagta Magaalada Taounate ee Dalkaasi waxaanay Dadka la dagani cadeeyeen in hooyadani aanay xidhiidha la lahayn Dariskeeda, sidoo kale saddexdan hablood ayaa waxay arkeen Waddooyinka amase aqalka debadiisa laba jeer oo kaliya ka hor intii aanay hooyadood ku soo rogin xabsiga ay iyada laf ahaanteedu ku xukuntay iyada oo uga baqaysa Il iyo Cawri.