Madaxwayne Donald Trump Oo Iibinaya Guri Uu Leeyahay,Maxaase Ku Kelifay?

Washington 15. May 2017 (SDN/QJ):- Gurigan uu Madaxwaynaha Dalka Maraykanka ee Donald Trump uu usoo bandhigay Iibka ayaa ah guri uu iibsaday sanadkii 2013-kii, waxaana magaciisa la yidhaahdaa Le Chateau Palmer.

Cabirka uu ku fadhiyo gurigani waxa uu yahay 21 kun oo Mittir Square, waxaanu ka kooban yahay laba aqal oo isku jira oo loogu talo galay in Madaxdu degto iyo mid kale oo martida ah, gurigani waxa kaloo uu leeyahay 11 qol oo loogu tala galay hurdo, qiimaha uu ku iibanayo Aqalkani wali muu sheegin Madaxwayne Trump, balse Dadka Khubarada ku ah dhinaca Iibka guryaha ayaa ku qiimeeyey inuu noqon doono qiimaha lacageed oo dhan 28 Milyan oo Dollar, qiimaha uu Trump ku iibsaday marka hore ayaa ahaa 20 Milyan oo Dollar, Jarriidada World Street oo Wargeyska Himilo kasoo xigtay ayaa shaacisay in Madaxwayne Trump ka faa’iido kirada aqalkan sanadkii hal milyan oo dollar.