Britain: Qof Calooshiisa Laga Soo Saaray Noole Nool!

London 14. May 2017 (SDN/QJ):- Dhakhaatiirta Dalka Britain ayaa kusoo bandhigey Barta Internet-ka ee Mirror Video dhacdo ay ku cadaynayeen qaliin ay dhawaan ku sameeyeen qof bukaan ah oo caloosha laga hayay isla markaana markii qaliinka lagu sameeyay ay ka soo saareen Kalluun ah nooca loo yaqaano Jerit Fish oo u eeg Maska Badda oo kale, sidoo kalena waxay Dhakhaatiirtu sheegeen in arrinta ugu layaabka badnayd ay ahayd inay kalluunkaasi ka soo saareen Bukaanka calooshiisa isaga oo nool.

Ninkan Bukaanka ah oo ay Da’diisu ahayd 49 jir ayaa waxa la sheegay Inuu hore u isticmaalay Maskaasi Daawo dhaqameed ahaan, maadaama oo laga Isticmaalo Dalkiisa oo lagu daweeyo Calool Is-taaga, laakiin markii uu arrintaasi ku kacay ayuu soo wajahay xanuun aad u darran oo ku kalifay inuu yimaado dhakhtarka, sidaasi awgeedna lagu sameeyay Qaliinka lagaga soo saaray Kalluunka.