Paraguay: Koox Maafiya Ah Oo Loogu Magac Daray Tuugta Qarniga Oo Ku Guuleysatay Inay Dhacaan Lacag Dhan 40 Milyan Oo Dollar !

Paraguay 28. April 2017 (SDN/QJ):- Koox ka mid ah kooxaha Dalalka Laatiinka ee ku caan baxay arrimaha la xidhiidha dhaca iyo dilalka iyo ka ganacsiga Maandooriyayaasha isla markaana loo yaqaano Maafiyada ayaa waxay weerar kusoo qaadeen magaalada Cedad Del Este ee Dalkaasi Paraguay, iyaga oo weerarkaasi u adeegsadey waxyaalaha qarxa iyo Gantaalaha Lidka Diyaaradaha waxaanay ku guuleysteen inay dhacaan Lacag dhan 40 Milyan oo dollar.

Ciidammada Dalkaasi Paraguay oo ay wehelinayeen Ciidammada ka socday Dalka Brazil ayaa isku dayay inay qabtaan kooxdani, balse labadaasi ciidan way ku guul daraysteen, waxaanay wararku sheegayaan in mid ka mid ah Ciidammadaasi uu  geeriyooday, halka kooxdaasi  ay dhammaantood ku guuleysteen in aan gacanta lagu dhigin, kooxdan ayaa waxa loogu magac daray Tuugtii Qarniga.