Kooxda Xidigaha Geeska oo 1 Gool & Eber Kaga Badiyey Suxufiyiinta Somaliland DAAWO

Hargaysa 16.March 2017 (SDN/QJ):- Kooxda Xidigaha Geeska iyo Suxufiyiinta Somaliland ayaa Galabta Isaga Hor Yimid Ciyaar Saaxiibtimo oo Ku dhex martay Garoonka Kubada Cagta ee Hargaysa Studium.

Ciyaartan oo ahayd Mid Xiiso Gaar ah leh waxaa Ujeedada Laga Lahaa ay tahay Sidii Qaadhaan Lacageed Loogu Uruurin lahaa dadka ay abaaruhu Saameeyeen ee Somaliland.

Qaybtii Hore ee Ciyaarta ayaa ku dhamaatay eber iyo eber Hasa Yeeshee Qaybtii labaad ee Ciyaarta ayaa waxaa gool la Yimid Kooxda Fanka ee Xidigaha Geeska waxayna Natiijadii Ciyaartu ku dhamaatay Hal Gool Iyo Eber ay Guushu ku raacday Kooxda Xidigaha Geeska.

Gudoomiyaha Kooxda Xidigaha Geeska Abwaan Xasan Dhuxul Laabsaalax ayaa u Mahadceliyey Cid kasta oo ka qayb qaadatay Qabsoomida Ciyaartan.