Gudoomiye C.raxmaan Cirro & Wefti uu Hogaaminayo oo London Lagu Soo Dhaweeyay & Dulucda Khudbad uu Maanta Ka Jeedin Doono Mac-hadka Siyaasada ee Chat tam House DAAWO

Hargaysa 15. March 2017 (SDN/QJ):- Gudoomiyaha Golaha Wakiiladda ahna Murashaxa Jagada Madaxweyne ee Xisbiga Waddani Mudane C.raxmaan Maxamed C.laahi Cirro Iyo Wefti uu Hogaaminayo ayaa Lagu Soo Dhaweeyay Magaaladda London ee Cariga Ingiriiska.

Weftiga Guddoomiyaha Golaha Wakiillada ahna Murrashaxa Madaxweynaha xisbiga WADDANI, Md. Cabdiraxmaan Maxamed Cabdilaahi (Cirro), waxay sheegeen inuu martiqaad rasmi ah ka helay machadka faaqida siyaasadda caalamka ee la yidhaahdo Chat tam House, waxa uu ka jeedinayaa khudbad la xidhiidha xaaladda Somaliland, gedi-socodka dimuqraadiyada, doorashooyinka iyo abaarta riiqda dheeraatay.

Waxa Guddoomiye Cirro, booqashadan ku wehelinayay Siyaasiyiinta kala ah Cabdi Haybe Maxamed, Marwo Faadumo Siciid Ibraahim, Aadan Axmed Cilmi (Dhoolayare) iyo Aadan Suldaan Cabdiraxmaan.