Shaqadii Dekeda Magaaladda Berbera oo Maalintii Sadexaad Taagan Iyo Xukuumadda oo Isku Daawanaysa Shirkada DPW Iyo Shaqaalaha DAAWO
Berbera 14. March 2017 (SDN/QJ):- Waxaa maalintii Sadexaad magaalada Berbera ka socda mudaharaad iyo shaqo joojin ay sameyeen shaqaalaha dekada Berbera oo iyagu ka cabanayaa tacadiyo ay sheegen in ay kku sameynayso shirkada DP World oo ay dhawaan xukuumadu ku wareejisay maamulka Dekadaasi.
Eng Maxamed Qarbooshe oo la hadley shaqalihii mudaharaadka sameynaayey waxaa uu ugu baaqey in ay sii wadaan mudaharaad iyo shaqo joojinta waxaana uu hadalo hanjabaad ah hawda u mariyey xukuumada iyo shirkada Dp World
Waxa kaloo ay cabasho xoogan iyo diidmo ka muujiyeen shaqaalaha Dekeda Berbera ee shaqo jiijinta sameeyay inaanay tixgalin iyo ixtiraam ku haysanin shaqadii dalkooda islamarkaana la dul dhigay nin kasta oo madax waaxeeda ama xafiis maamula nin ajinabiya oo Hindi ama Chinese ah kaas oo shaqada la maamulaya lana damacsan yahay in markuu shaqada ka barto la eryo ka muwaadinka ah ka ajinabiga ahina shaqada la wareego,
Sidoo kale waxa shaqaale weynaha Dekeda Berbera shaqo joojintooda soo dadajisay hanjabaad ay sheegeen inuu kuhayo Maareyaha shirkada DP World ujooga Dekeda Berbera nin lagu magacaabo Ibraahim Hamaadda oo Dalka Masar udhashay kaas oo ugu hanjabay shaqaalaha mar uu shaqal la hadlaayay inuu shaqaale iyaga o mushaharaad jaban oo Hindi iyo indha yara ka keensan doono dalalka Asia hadii ay uhogaansami waayaan awaamiirta uu usoo dajiyay ee ay dulmiga iyo tacdiga ku tilmaameen shaqaalaha Dekeda berbera kana dhega adaygeen inay ku shaqeeyaan ee shaqo joojinta maalintii labaad gashay keentay.
Shaqaalaha Dekeda Berbera ayaa sidoo kale cabasho xoogan ka muujiyay kuna tilmaamay inaan la aqbali karin lacag (400,000) afar boqol oo kun oo Somaliland shilin ah oo lacagtooda mushaharka laga jari doono taas oo la sheegay in cunto loogu samayn doono laba wakhtiya oo ay ka cuni doonaan Hutel Dekeda gudaheeda laga samayn doono oo la sheegay in la siiyay nin ka shaqeeya shirkada Dahabshiil ee gacanta weyn ku leh shirkadan DP World ee Maamulkii iyo Macaashkii Dekeda la wareegtay.
Shaqaalaha Dekeda ayaa diiday lacagtaas la leeyahay raashin ayaa laydinku samaynayaa iyaga oo sheegay in cuntadu guryahooda uga bisishahay oo aanay ubaahnayn in raashin loogu sameeyo Dekeda gudaheeda lacagtoodana sife sharciyada baalmarsan oo khasab ah looga goosto.
Dhinaca kale ilaa hada ma jirto masuuliyiin dhinaca Xukumada ka socota oo cabashadan iyo shaqo joojinta shaqaalaha Dekeda ka hadashay marka laga reebo Gudoomiyaha Gobolka Saaxil Jaamac Yuusuf Axmed ayaa sheegay inuu xal uhelida cabashada shaqaalaha iyo shirkada DP World uu ku hawalanyahay.